رغم الدّاء والأعداء...
تحيّة للإخوة الفاضين شغُل في الوكالة النونسيّة للأنترنات (آ تي اي) ..اللي قرّروا انّ المدوّنة متاعي مخطرة وارهايّة وتستحقّ القطع والسنسرة..معناها وفات مشاكل البلاد والعباد وجايين اتبّعوا فينا حتّى هوني في العالم الإفتراضي يا بوقلب؟!!!
حاصله، حبّيت نشكرهم اللي خلاّوها تعيش لمدّة شهرين كاملين، وحبّيت نقول لهم زاده..اللي راني مانيش ناوي نسلّم في حقّي كمواطن حرّ في التعبير بحريّة عن أفكاري، ارائي، خواطري..في كلّ ما يخصّ ذاتي، بلادي والعالم اللي عايش فيه..وشكرًا
ويتواصل المشوار..وتحيى الركشة..تحت الياسمينة في الليل...
*هذا عنوان المدوّنة الأولى متاعي..اللي صارت مقطوعة من تونس
http://ta7t-el-yassmina-fillil.blogspot.com
posted by الكاتب at 4:37 ص
4 Comments:
ya si nesr laswed, el7amdellah 3liik. mafe9tech elli baddalt adrisset el moudawna mte3ek ;)haya mabrouk ma3malt! :p esperons que cette fois c'est la bonne. ya jme3et l'ATI, nafsouna chwaya men fdhalkom.
J'aime te lire et j'adhère..........
يا نسنوسة..وقيل الجماعة سمعوا كلامك ..
:-p
مرحبا بيك يا طق طق..شكرًا
:)
ya mar7bé ya mar7bé... nawart il blogosphere ya sidi... hani nitsannit ;)
إرسال تعليق
<< Home