"لبيب للبيئة حبيب"..ويحيى الحسّ الحضاري متاع التوانسة...

هذي تصويرة خذيتها نهار الأحد الي تعدّى في شطّ "واد العبيد" (طريق الهواريّة) ..وتدّل على مدى تحضّر جزء كبير من شعبنا


ولو انّه موضوع يلزمه مجال أكبر من الركن هذا..امّا حبّيت نتسائل (بكلّ سذاجة) ويني وزارة البيئة؟ ووينهم فلوس وزارة البيئة ومجهوداتها من أجل المحافظة على البيئة والطبيعة وووو؟

والاّ مازعام كان في الصنب متاع لبيب وفي انّهم يزرعوا شجرتين في نهج ويسمّيوه شارع البيئة؟


يا بو قلب..عدّيت صيف كامل في شطوط الوطن القبلي ..ولا مرّة ريت حاوية حاطّتها البلديّة والاّ الوزارة..، وولا مرّة ريتهم والاّ سمعت بيهم عاملين دوريّة متاع مراقبة والاّ حملة تحسيس ميدانيّة..فاش قاعدين يعملوا؟ الله أعلم

وخلّي عاده مانحكيوش على المستوى الراقي متاع التحضّر اللي وصلوا له برشة مواطنين (باش مانقولش أغلبهم)..والله ربّي يستر..عمّال التالي كي بول الجمل